كونك بشر لا يعنى انك شيطان او لست بملاك

بصراحة كنت عاوز اوضح حاجة كتير من الناس فهماها غلط

احنا بشر......اى حد بيغلط بيقول الجملة دى علشان يبرر الغلط بتاعة

يا جماعة مش معنا ان احنا بشر يبقى احنا شياطين نعمل كل شىء حرام و مضر و مؤزى و مش بمعنى اننا بشر اننا بردة مش ملائكة و مش نغلط لا ربنا خلقنا بشر ايوة و احنا بقى الى هنحدد إذا كنا عوزين نبقى ملائكة او شياطين مش غلط انك تغلط او عيب لاكن مش تبقى رايح تجاة الغلط و عارف انة كدة و بردة تعملة و تقول انا بشر لا حاول تكون ملاك و بيقول حاول يعنى اية ملاك يعنى شىء كويس صالح محترم عايش مش علشان يضر الى حوالية لا عايش علشان يسعدهم و دة هيادى و هيعود علية اكيد بنفس السعادة الى سببها للبشر

يا ريت نحاول نكون اشخاص كويسين اكتر من كدة بصراحة انا مش متدين اوى و مش قريب من الدين بس والله ناس كتير بتشوفنى و بتثنى علية لية لانى شخص كويس مش بمدح فى نفس لا بس بحاول اقرب ليكم ازاى تكون شخص كويس اوك انت مش متدين بس خد المبدا و الحجات الكويسة الى تبنى عليها حياتك و تخلى الناس تحترمك و الكاس عاوز يوصلك و يكسبك صاحب لية مش الكل بينفكر منك والله انا ناس كتير اوى و اصحابى بيقولوا لية انت ملاك بس انا مش حاسس انى كدة لانى بتصرف بطبيعتى و انت كمان خلى طبيعتك تكون كويسة اتمنى انى اكون وصلت الفكرة ليكم

اصحابى كل حياتى

اممممممممممممممم

بصراحة انا كنت طول عمرى لوحدى و مش لية اى اصحاب خالص لا gay ولا استريت كنت وحيد و كنت متاقلم مع وحدتى لحد ما تعرفت على عالم الانترنت و كلمنى ناس كتير اوى من كل الاعمار و الجنسيات و تمنيت ان يكون لية اصحاب gays بجد يكونوا محترمين و كويسين و الحمد للة حلمى اتحقق بقى عندى اصحاب والله هما كل حياتى دلوقتى و بحبهم اوى عاوز اقولهم انتم كل الى لية بجد فى دنيتى دى و مش لية غيركم و انا بحبكم اوى اوى اوى اوى و يا ريت مش تبعدوا عنى ابدا لانى مش اقدر اعيش من غيركم

m

اول صديق لية على النت و عاوز اقولة انى والله عمرى ما كنت على طبيعتى و بهزر و بعمل اى حاجة مع حد زى ما بكون معاك بحس انى انا و انت واحد بموت فيك يا واد اوى اوى اممممممممممواة و ربنا يخليك لية

mz

تانى صديق اتعرف علية على النت شخص طيب و جميل و مؤدب و مرح و بيضحكى اوى اخوية والله و بموت فية اوى اوى امممممممواة ليك انت كمان و ربنا يخليك لية

es

شخص بجد طيب و محترم تعبنى اوى بس والله بحبة اوى و بموت فية و اتمنى انى اشوفة مبسوط ديما و مش الشخص الى يستاهلة ربنا يخليك لية يا es امممممممممواة ليك يا قمر انت

عاوز اقولك ليكم كلكم انكم اقرب الاشخاص لية فى حياتى كلها اتمنى انى اعيش معاكم ف بيت واحد و مش نفترق ابدا و نلاقى الناس الى تستحقنا بجد

بحبكم اوووووووووووووى

شوية حجات كدة

اممممممممممم

اولا رمضان كريم و اهلا بيكم جميعا من تانى

انا بتاسف ليكم على الغياب دة الجهاز بتاعى باظ

انا بجد مش عارف لية الايام دى مرتبك اوى اوى و خايف اوى و حاسس انى مش هنجح خالص انا فى سنة تانية مع انى كويس و شاطر و الحمد للة بس مرتبك اوى و خايف مش عارف لية و دة بردة حصلى و انا فى اولى ثانوى فى البداية ممكن يكون دة السبب او ممكن يكون ان اختى هتبعد عنى و هيا اقرب شخص لية فى الدنيا كلها علشان هتشتغل و هتنتقل فى مدينة اخرى بجد هتوحشنى اوى على قد ما انا فرحان لفرحها على قد ما انا زعلان علشان فراقها ربنا يخليها لية ياااااااارب او يمكن لانى هقعد مع الشخص الى اسمة بابا دة و انا مش بحبة و مش بحس معاة بالامان خالص بصراحة مش عارف ربنا يستر و كل الى فاضلى هو انتم و بس ربنا يخليكم