مش عارف ابدا منين بجد لاكن انا اسف جدا ليكم على التاخير دة كلة بس والله كان غصبن عنى علشان الدراسة بدات و كانت الايام الى فاتت دى كلها ملخبطة
حياتى قوقعة
هو دة التشبية الوحيدة الى ينطبق على حياتى سنين كتير اوى عشت فى وحدة و كنت ديما لوحدى فى الاول كان صعب لاكن بمرور الايام حبيت وحدتى اوى و كانت كل حياتى تنحصر فى وجودى فى البيت مع اختى و ماما الى هما كل حياتى كنت حتى لما اخرج للمدرسة او للدروس احس انى عاوز ارجع بسرعة للبيت و لحضنهم من تانى عشت مدة كبيرة كدة كنت بفرح معاهم و بحزن معاهم كانت كل حياتى هيا التلفزيون و القنوات و الفلام كنت بحب اوى اخرج انا و هما و احوش من مصروفى و اجيب شامبوهات و شاور جيل خاص بية انا لوحدى و ماما و اختى تساعدنى و اخرج انا و هما نروح السوق سوا او ننزل نتمشى او نهزر مع بعض و و كنت راسم فى خيالى عالم بسيط و هو انى يبقى لية بيت لوحدى و اختارة على زوقى و يبقى لية فارس احلامى الى يعاملنى بكل حنية كنت بحب افلام الكرتون اوى و مازلت بحبها الكرتون مش الانيمى و كنت مبسوط اوى بحياتى دى لحد ما اتعرفت على عالم الانترنت
و اتعرف من خلالة على ناس وحشة اوى و ناس جرحتنى و ناس ظلمتنى و ناسى ضحكت علية و ناس و ناس و ناس بس الحمد للة
ان علاقتى بيهم كلهم كانت مجرد كلام على الشات و بس مش تطورت لاكتر من كدة و اتعرفت كمان على لفرى احمد و حسين وذيدان اكتر اشخاص جرحونى فى حياتى كلهات بدات اتعرف على ناس و اخرج من قوقعتى شيئا فشيئا لحد ما خرجت للواقع الاليم و المرير الى بجد ندام انى شوفتة انا ندمت بجد انى خرجت من قوقعتى دى و ندمت على كل حاجة عملتها و انا خارج قوقعتى غير حاجة واحدة بس الى مش ندمان عليها و الى كسبتها بجد و هو صديقى ميمو بجد انا حاسس انى مش فى امان وسط كل البشر دى و الناس دى
النهاردة قررت انى ارجع لقوقعتى تانى و اتخلى عن الحب و عن كل شىء لان مش لقيت فية غير العذاب و الجرح الى عمرة ما بيروح ابدا و قررت انى ارجع لوقعتى تانى و اعيش فى عالمى البسيط الهادئ و الشخص الوحيد الى يبقى معايا هو صديقى ميمو صديق عمرى انا بحس انة انا بجد لانى انا و هو احد و طبعا هتفضل مدونتى معايا لانها بجد مكانى الى بعبر فية بكل حرية عن الى انا عاوزة
