عندى اكتئاب

اليوم اخت قرار اعتقد انى كتير اوى اجلتة و قولت اجرب تانى لاكن اليوم جة وقتة اليوم تنازلت عن الحبيب تنازلت عن الحب  انا مش ناوى احب تانى و لا انى افكر ان يكون لية حبيب انا شلت الفكرة دى من خيالى نهائى لان كفايا كدة تعب و زعل  سواء لما الواحد بيكون فى حالة حب او حتى بيدور على الحبيب انا عاوز اقولكم حاجة ممكن البعض يفكر انى اخت القرار دة  بسبب شىء معين او انى مش فى وقت كويس انى اخد قرارت او انة قرار متسرع اوحتى انى لسة صغير انى اخد قرار زى  دة بس عاوز اقولكم حاجة  قبل ما تاخد قرار لازم تدرسة كويس اوى و تشوف يا ترى  اية الكويس و اية الوحش فية و تاخدة و انت فى حالة كويسة و تحكم علية بعد تجربة و انا الحمد للة حكمت علية بتجارب مش واحدة   و مش بقى لية غير حلمين بس ان يكون عندى صديق بجد و التانى انى انفصل عن اهلى  و دول الحلمين الوحيدين الى مش ممكن اتنازل عنهم مهما حصل 

يوم فى المدرسة ...!!!!!!!!!!!

النهاردة كان يوم جميل الى حد ما  لاكنى مش عارف لية مش كنت سعيد خالص بية

كان المفروض ان الفصل الى انا فية يعمل فطار جماعى بين الطلبة و مدرس اللغة الانجليزية يوم الاحد لاكن عملة النهاردة  

اكلنا الفطار من غير اى نفس و بعد كدة لقيت كل شخص اخد زميلة و قعدوا يتكلموا هما الاتنين إلا انا لقيت نفسى وحيد وحيد اوى اتمنين انة يبقى لية صاحب حالا او حتى يكون لية صاحب و انا ناسى انة لية ((اهبل)) لاكن للاسف مش كل الى بنتمناة بيتحقق

حاجة غبية اوى ..............!!!!!!!!!!!!!!!!!

بجد الشخص دة كان نفسى اخنقة لانى حاسس  انة رخم اوى و حقير اوى  معاية شخص فى الفصل قاعد جمبى فى نفس المدرج شخص ابعد ما يكون عن البشر  بجد كائن فضائى غبى و رخم و دمة بارد و تقيل (((يعععععععععع)) بجد بيخنقى  كل ما اتكلم اى كلمة او انى اجاوب سؤال الحيوان دة يستنى بعد ما اخلص و يعيد الى قولتة تانى بس بصوة مستفزة و رخمة و يقعد يتريق علية و على طريقة كلامى و  فى الاخر يشلتنى بكلمة ((يا ابنى انا كنت بهزر معاك ))) دمة بجد واقف قولت  لية الف مليون مرة يا  كابت انا مش صاحبة و انت مش تعرفنى اصلا علشان تهزر معاية و لو تهزر دى مش طريقة انك تهزر معاية  و قولت لية الف مليون مرة  مش تكلمى تانى لاكن بيخترع اى سبب انة يكلمنى سخص بجد حقيرررررررررررر و  دمة بااااااااااااااااارد والله بيخلنى اروح متعصب و بيخلنى كل الناس الى معاية فى الفصل تعرف عنى كل شىء بقولة بمعنى انى حتى لو قولت لية انت رخم يروح يقول للكل شخص دة قلى انا رخم 

بجد شخص ينرفز 

الشعب المصرى كلة بقى مثقف حتى الفاشلين...!!!!!!

مش عارف لية معظم الطلبة الى معاية فى المدرسة  واخدين انة بدام انت ولد يبقى لازم تكون بتعرف تضرب و كمان قوى اوى و كمان يكون لون وشك و جسمك غامق شوية و تمشى فارد زراعك و غير كدة صوتك  تخين جدا (مين بقى قال النظرية دى مش عارف) المهم اى واحد غير كدة على طول تلاقى 20000000000 الف طالب قعد يتريق علية و يقولة انت مش طبيعى ياض انت شاذ ياض و انا باسمع الكلمة دى و دمى بيفور  بجد شوية طلبة اغبية و فاشلة  كل الى بيهم دى لابسة اية و دى انا اخت رقمها امبارح  و البنت دى مزة اوى ياض شوف لابسة اية بجد عيال تاااااااااااافة  

حلم وحش اوى

مش عارف انا فى حالة اكتئاب بقالى مدة كبيرة اوى كل ما افكر فى نفسى و فى حياتى بجد اصاب باكتئاب شديد اوى و كل مرة تكون اكتر من الى قبليها و كذا مرة فكرت انى بجد احذف المدونة او اخلى على هو بس يكتب فيها  و الى  بجد  خلانى تعبت اكتر حلم وحش اوى حلمت بية  هو حلم بيتكرر معاية بانتظام مش عارف لية باحلم براجل غريب اوى شكلة وحش جدا ديما بيجرى ورايا و انا مش عارف لية و المكان الى باجرى فية ظلمة اوى و فى اخرة نور  و بفضل اكتر كتير اوى اوى اوى علشان اوصل للنور دة كل ما اصولة و ابوص للراجل دة علشان اشوف هو سبنى او لا الاقى النور دة يبعد تانى و الرجل يظهر من جديد و يبدا عاوز يلحقنى و يضربنى

i am sorry بجد على البوست  دى لاكن لو مش كنت اتكلمت  و قولت الحجات دى كنت بجد هفرقع و خصوصا انى فى اكتئاب بقالى تقريبا اسبوع على العموم مرسى جد ليكم  و اوعدكم انى  اكتب ليك بوست المرة الجاية افضل من دة