لية ديما؟؟!!

هو لية ديما العلاقات بين الجاى فاشلة  قصدى يعنى مش بتنجح و بتستمر طول العمر انا  

 فكرت كتير اوى و يعنى من واقع خبرتى المحدودة قدرت اوصل لاسباب اساسية فى

 فشل علاقات الجاى

1-عدم  تقبل المثلى لذاتة

معظم الجاى فى بداية حياتة و بعد معرفتة انة شخص جاى و مختلف عن الاخرين بيدخل

فى صراع كبير مع نفسة ما بين عوامل كتير اوى حسب مجتمعة و فكرة و ديما بيحكم

على نفسة ديما انة شيطان  و انسان بتتجسد فى المعصية بكامل اشكالها و دة غلط طبعا و

بعدها بيلجاء الى انة يبحث و يعرف  يعنى اية  مثلية  و هو لية حصل لية و بعدها

بيعرف ان نظرتة لنفسة كانت غلط بس بردة بيفضل صراع واحد فقط ما بين الدين

والمثلية  و بيفضل فى حالة اكتئاب لمرحلة كبيرة لحد ما بيزهق و بيقرر انة يدور على

الحب يعنى بيهرب من مشكلة الصراع بالحب و مش بيحل الصراع الى جواة دة دة

بيضحك على نفسة و بيقول انا خلاص متقبل نفسى و هعيش حياتى برحتى و اتمتع بيها

و لما بيحب بجد بيبتدى الصراع  دة ينشط من تانى  و بيبتدى بقى عدم تقبلة لنفسة و

بيبتدى الانفصال عن حبيبة مع انة بيحبة بجد لاكن هو شايف انها علاقة محرمة و دة

بيكون سبب من اسباب فشل العلاق

2-انا لا اكدب و لاكنى اتجمل

فى بداية تعارف  اى اتنين مثليين مع بعض كل شخص فيهم بيحاول يبرز الاشياء الحلوة

و الجميلة فى شخصيتة و الاتنين زى ما يكونوا فى حالة حرب و منتظرين مين الى

يعجب بالتانى الاول او مين الى يثير  التانى الاول  و تلاقى الاتنين بيتكلموا عن كل

حاجة على طول بحديث لا يتوقف عن  اية بيحبوة و اية الجميل فى شخصية كل شخص

فيهم و اية الى بيحبوا يكلوة و اية الى بيدورو علية  و اية  الى بيخليهم يخافوا من

الاخرين و اية سبب انهم بقوا جاى  و اية هيا علاقهتم السابقة و اية نوع كل شخص توب

و لا بوتوم سالب و لا موجود و بيحب يمارس الجنس ازاى  دة لما بيكون مقابلة حب و

تعارف بين شخصين كل كلامهم كان على النت ودى اول مقابلة بينهم

لاكن هما نسيوا اهم شىء يا ترى بجد اتكلموا عن عيوبهم و كل شخص حكى للتانى هو

بيكرة اية بجد و اية العيوب الكبيرة الى فية  اعتقد انة  نادر ان دة يحصل بين اتنين فى ا

ول مقابلة طبعا فى حد ممكن يقول مش معقول يعنى من اول مقابلة اقولة على عيوبى و

كدة انا معاك اوك لاكن لازم يجى وقت و تقولة كل شىء عنك بصراحة تامة و بعدين

مفيش حاجة اسمها كدبة بيضة او انا بجمل نفسى لا دة اسمة نفاق و خداع لازم تكون

صريح معاة فى الاول علشان هو لو تقبل عيوبك و انت تقبلت عيوبة تبقوا عرفين من

الاول و تعرفوا تعالجوا العيوب دة علشان حياتكم تستمر مع بعض

3-اية رايك فى المز دة ؟؟؟؟؟؟؟؟؟

طبعا الكلمة دى قلناها كتير اوى اوى لما بنشوف اى شاب جميل شفناة صدفة فى الجامعة

المدرسة حفلة الشارع سوبر ماركت اى مكان

طبعا اول ما بنشوفة بنقول على

طووووووووووووووووووووووووووووووووووووووووووووووووووووووووول

اية المز دة دة اكيد فتى احلامى  لا طبعا احب اقولك ان نظرتك عنصرية ان بس فكرت

فى الشكل مش معنى انك شوفت شاب جميل و حلو و كمان طيب و مؤدب  و اتعامل معاة

بحس نية يبقى هو دة فتى احلامك لا طبعا هو انت بس انجذبت لية علشان هو جميل او

ممكن شوفت فية رجولة اى شىء من هذا القبيل لاكن كلنا بيترجم الشعور الى بيحصل

غلط لانة اول ما بيشوف شاب جميل تلاقية وقف و بلم و قلبة تسارعت ضرباتة و على

طول بدون اى مقدمات يقول لنفسة دة فتى احلامى ممكن يكون دة فتى احلامك مش قولنا

حاجة لاكن مش ديما احسسنا بنفسنا بيكون صح  لازم تفكر الاول هو عجبك لية يا ترى

لجمالة رجعولتة شبابة مالة عائلتة لو لاى  سبب من الاسباب دى ؤكد ليك ان العلاقة

بينكم مهما استمرت حتى لو كام سسنة فى الاخر هتفشل  و هتحس انك عادى بالنسبة ليك

لما تفشل  مش فرحان و مش زعلان

4-نفسى فى شخص يحسسنى بالامان

اعتقد ان كل شخص فينا لية مواصفات لفتى احلامة مواصفات كتير او جميلة لاكن لما

بنحب بجد كتير اوى من المواصفات مش بنلاقيها و مش بتكون فارقة معانا  و كلنا

بيتمنى ان حبيبة يحسسة بالامان و يبقى معاة ديما كل  دة شىء جميل اوى  لاكن يا ترى 

 انت لما بتلاقى حبيبك و هو فعلا حسسك بالامان فكرت و لو مرة واحدة انت هتديلة اية

؟؟؟؟؟؟؟ اعتقد لا انت كل الى يهمك انة يكون مشابة او لمواصفات فتى احلامك و كمان

يكون بيحبك اوى و يحسك بالامان او باى شىء تانى افتقدة  لاكن بردة لازم تفكر فية هو 
 كمان انسان و عاوز يحسس معاك بالامان و بالحب و هو لما بيبدلك شعور الب بيبقى

مستنى منك انت كمان تبادلة شعور الحب و مشاعر تانية كتيرة لاكن انت بتكتفى بقليل

منها مع الوقت دة بيخلية يزهق لان دى بتبقى انانية من احد الطرفين عاوز ياخد كل

شىء و مش يعطى اى شىء للطرف التانى لازم هو كمان ياخد زى ما بيعطى  لان مش

فى شخص بيعطى على طول و مش فى شخص بياخد على طول

5-لازم هو الى يجى يصالحنى

كتير اوى من الى بيحبوا واخدين  ان العلاقة بينهم و بين حببهم عبارة عن حرب و لازم

هو يكسب فيها بمعنى انة لازم يجبلى هدايا كتير

لازم قدام اصحابى يكون زى الخاتم فى صباعى لازم لما نزعل هو الى يجى يصالحنى

لازم  و لازم كمان  يتصل بية كل يوم  قبل ما ينام  و بعد ما ينام و اول ما صحة و كل

دقيقة  اسملحى اقولك ان دى شم علاقة و لا حب انت عاوز شخص  يشتغل عندك مش

شخص تحبة و يحبك  لازم يكونو فى تفاهم بينكم  كلنا فاهمين ان لما واحد فينا بيزعل

التانى الى بيجى يعتزر دة سواء هو الى غلطان او لا دة بيبقى ضعف منة لا طبعا مش

كدة هو بيجى يصالحك علشان هو بيحبك و مش بيقدر يستغنى عنك و عاوزك بجد مش

مجرد ان العلاقة بينكم اتنين بيحبوا بعض و خلاص لا العلاقة بينكم لازم يكون فيها توافق

و تبادل للحب و المشاعر  لازم تحافظ على مشاعرة و هو كمان هيحافظ على مشاعرك

علشان العلاقة بينكم مش تقل و تتحول الى علاقة فاطرة بائسة

6-اسمع كلامى لازم توريلة العين الحمرة.!!!!!!!

كتير مننا بيدخل اصحابة و ناس يعرفهم فى علاقتة بحبيبة بمعنى ان لو حصل اى موقف

بينة و بينة حبيبة على طول يروح يحكى للناس و اصحابة و كدة سواء كان موقف كويس

او وحش دة غلط جدا جدا جدا دة شىء خاص بينك و بين حبيبك و بس  و طبعا اصحابة 

 بينصحوة كل واحد نصيحة زى الزفت الى يقولة اتقل علية علشان تعرف تملكة و الى

يقولة لازم تخلية زى الخاتم فى صباعك و الى يقولة دة مش بيحبك لازم توريلة العين

الحمر  و الى يقولة اسمع كلامى انا حبيبت  قبل كدة و حصل معاية كذا و كذا و صحبى

مش عارف مين حصل معاة كذا و صحبك كذا و صاحب صاحبنا كذا و كذا  كل دى

تجارب  اوك  و ناخد منها العظة اوك لاكن مش نعمل نفس الى عملة اصحابها لانها مش

تجربتنا احنا احنا شىء مختلف  انت و حبيبك شىء تانى مختلف انت اسمع التجارب دى

و حللها فى مخك صحبى بعد على حبيبة عشلان كان خاين يبقى خلاص انا لازم اكون

وفى لحبيبى  و صحبى التانى  كان بيتقل على حبيبة علشان يخلية زى الخاتم فى صباعة

يبقى انا لازم اخلى العلاقة بينى و بين حبيبى اكنها علاقة بين شخص واحد بس مش

اتنين و الحرب بينهم نار لا انت و حبيبك شخص واحد لو حد زعل فيهم التانى يصالحة

لانكم بتكملوا بعض انتم واااااااااااااااااااااحد مش اتنين  و بعدين لو حبيبك بكى  عشلان

يرجع ليك دة مش ضعف منة دة حب ليك يا غبى افهم لازم تعرف انة بيحبك  مش انك

كدة خلاص بقى زى الخاتم فى صباعك لو فكرت بالطريقة الغبية دى لازم تفهم انة

هيضيع من ايدك لا محالة

7-الاستقرار

 و اعتقد ان دة مش انهم العوامل المؤثرة  الاستقرار الى اقصدة

ان الاتنين الى بيحبوا بعض يكونوا فى بيت واحد يعنى يعيشوا مع بعض فى شقة واحدة

طووووووووول العمر كانهم متجوزين دة بيقربهم من بعض اكتر و اكتر لاكن مش ينفع

تكون بتحب شخص هو فى مدينة و انت فى مدينة تانية و بتتقبلوا كل اسبوع مرة او

مرتين او حتى كل يوم بس فى الاخر كل شخص فيكم مش بينام مع الشخص التانى و هنا

اقصد النوم نفسة مش العلاقة الجنسية

الاستقرار انة لما يتعب يلاقيك جمبة  و لما تكون انت زعلا او حزين تلاقية جمبك

بيخفف عنك  تصحوا مع بعضض تاكلوا مع بعض هو يرجع من الشغل يلاقيك رجعت

من شغلك و مستنية بكل لهفة و حب و شوق دة الاستقرار و اعتقد ان الاستقرار كلنا بندو

علية فى حياتنا طبعا انا سامع واحد بيقول ازاى هنعيش فى شقة لوحدنا انت مش عارف

اننا فى مجتمع عربى اقولك ايوة عندك حق فى حلول كتير منها

انكم تسافرو اى بلد اوربى مؤمن بحقوق المثلية و هما بقيوا كتير جدا جدا كمان ممكن

تعيش انت و هو هنا فى اى بلد عربى بس تحافظ على شكلكم خارج البيت لاكن جوة

البيت  تبقى فى حب و حنان و كل شىء بينكم جميل و تبقوا على  راحتكم

كلمة اخيرة عاوز اقولها يا جماعة لازم تفهموا ان الشخص الجاى دة شخص طبيعى جدا

جدا كل الحكاية انة بينجذب لنفس جنسة مش اكتر و طبيعى انة يدور على الحب و

ممارسة الجنس مع الى بيحبة و يعيش معاة و يكون اسرة كمان مع حبيبة  و يا ريت

تفهموا كمان ان العلاقة بين اى حبيب بتكون مبنية على الصراحة و الحب و الاحترام

مش حرب كل شخص بيدور ازاى يهزم التانى فيها الاول لا

لازم تفهموا انها علاقة ابدية لازم يحترمها الطرفين و يتعاملوا مع بعض بكل حب و فهم و ود 

سورى لو كنت طولت عليكم